Finnegarden kan no tilby sine kundar overnatting i eige hus på Voss. Huset som me kallar "Gartnarbustaden" ligg på garden med eiga strandlinje mot Vangsvatnet. Huset har 3 soverom (2+2+1), 2 bad, kjøkken, stove med moderne vedomn og vaskerom.

Huset ligg ca 750 m frå Voss Jernbanestasjon. Det er gangavstand til sentrum og til Voss Fjellheisar. Vår, sommar og haust er det godt fiske i vatnet. Me leiger ut fiskerett med garn og båt til interesserte. Som gjest i huset vert du også tildelt "avgrensa beiterett" i åkrane på Finnegarden. Du kan hausta gratis alt du treng til dagleg bruk av sesongens grønsaker, urter, bær og frukt på garden og ha attåt sjølvfiska aure eller lokalt kjøt. Du kan også tinga frukt og grønt av oss og få det levert på vanleg måte og til vanleg pris.

Døgnleige for huset er kr 1500 for inntil 5 personar. Tillegg for gjester utover 5 personar på ekstraseng/madrass er kr 250 pr person pr natt.

Velkomne til gards!